的士司機非常年青

香港也有這款的士

個職員一睇，對眼當場瞪大，表情驚訝到好似見到外星人咁，先至驚覺：「護照？！你唔係日本人？！」 佢反應都好快，即刻「話鋒一轉」改用英語同我交談。

不過，本住日語老師嘅尊嚴，我直接對佢講：「用返日文溝通就得架喇，OK？」 瞬間贏返少少主場氣勢，「型到震。jpg」。
職員微笑着問：「你在網上預定時訂了加購 KEP（九州高速公路通行證） 嗎？」
我：「無錯，我需要！」
職員：「咁你要加購幾多天？」
我：「九天。」
職員：「好嘅，但不知道您將會去的地方是⋯⋯？」

我隨即喺枱面張地圖度，好豪氣咁指左我將會去嘅幾個主要城市。
個職員睇完我個「神之路線」，眉頭一皺，眼神裡面閃過了一絲困惑，甚至帶點憐憫。
我看穿了事情並不簡單，於是大膽地問：「如果唔加購 KEP 嘅話⋯⋯難道會比較便宜？ 」
職員側了側頭，露出一副好微妙嘅表情：「嗯⋯⋯是有點微妙呢（即係隨時仲貴左）。」
我心諗：「Hi Auntie，差點又交智商稅。」 我即刻笑了笑對佢講：「咁嘅話，我就唔加購喇，多謝提醒。」

到達Times租車店

女職員十分友善

辦妥手續，佢將條車匙交到我手，請我一齊出外邊去驗車。

一踏出門口，一架巨大嘅 Toyota Noah 靜靜地喺度等待着我。

我當場定咗喺度，回想返自己當初明明唔係租呢個高級等級嘅車㗎。「此處應有賀電.gif」，原來佢地竟然幫我免費升級！由原本嘅細車直接變咗做闊落嘅 Noah，真係爽到高登仔出 pool。

這次免費升級至NOAH

準備出發

一星期前在深圳租車

這部小跑車也很好玩呀

調較好個導航目的地之後，今日第一站出發 —— 「太宰府天滿宮」。

車程不遠，大約 15 公里左右，預計 25 分鐘搞掂。15 公里是甚麼概念？打個比喻，大約就是香港國際機場開車到迪士尼樂園左右嘅距離。我一邊踩油一邊讚嘆，福岡嘅交通網絡真係方便到有啲過分。

去到天滿宮附近嘅停車場，好順利咁停好車，就拉埋老母行入去。

點知，一入到去，心裡面又浮現出三個大字：「中大伏。jpg」。

剛巧依家個天滿宮正殿進行緊大維修，正殿四周全部變晒做工地。加上呢度係成個九州最熱門嘅景點之一，現場嘅遊客多到直逼禮拜日嘅旺角。滿眼都係旅行團，我呢個內向「i人」嘅社交能量瞬間歸零，完全無晒心情參觀，只想快啲走。

到達後發現竟是工地？﹗

遊客也很多啊﹗

四周也是遊客⋯

沒太有心情參觀

離開天滿宮，我哋行去隔離嘅「馬場參道線」，呢條街兩旁全部都係古色古香嘅商店。

行行吓，見到有幾間舖頭正在賣 「梅ヶ枝餅」。呢個係太宰府市最出名嘅傳統和菓子，據聞是用糯米同粳米整成嘅餅皮，包裹住紅豆餡，再用刻有梅花圖案嘅鐵板烘烤而成。

既然嚟到，無理由唔試。我排隊買左一個一咬落去，嗯⋯⋯味道其實非常之普通，甚至有少少像吃未煎透嘅年糕。「吹大左。jpg」。

來到這間店不用排隊

他們的枝餅也不錯啊

再行前多兩步，就會見到嗰間全日本數一數二出名嘅星巴克（Starbucks）。呢間嘢由日本知名建築大師隈研吾親自操刀設計，成間舖頭插滿咗木條，好有視覺衝擊。

雖然頂住大師嘅光環，但我自己個人就真係對呢種風格「敬而遠之」。

根據維基百科嘅資料，隈研吾好鍾意喺建築物大量使用木材、竹子等天然材料。但呢些材料如果長期暴露喺大自然嘅風吹雨打之下，好容易就會出現嚴重嘅發黴同腐朽問題。每次面對呢些後續嘅維修，筆經費都多到直逼天文數字，簡直係名副其實嘅「面子工程」，不了。

這間星巴克由日本知名建築大師隈研吾設計

以上千根木條層疊交織，但我自己就不太喜歡這裡

快快手走回停車場，將個 GPS 設定去下一個目的地 —— 門司港。

中途經過 古賀 SA（高速公路服務區），入去屙個尿、休息了一會兒，就繼續驅車前往。

來到了 古賀SA上り

太好了，竟然沒有太多人

嚟到門司港，我將部 Noah 停泊喺郵政局對面嘅停車場。今日嘅午餐一早鎖定咗呢度好出名嘅 「ミツバチカレー（蜜蜂咖哩）」。

門司港郵便局對面就有停車場

這間店就在郵便局附近

去到門口，我哋喺度等緊店員帶位之際，個職員突然一臉抱歉咁話：「不好意思啊巴打，我們下午 2 時就要關門休息了，你們可以嗎？」

我抬手望一望手錶，依家都已經下晝 1 時半。我心諗：「你太小看香港人食飯嘅速度了。」

我同佢講：「無問題！我大概半個小時之內就能把飯連汁都撈埋，放心！」

呢間店喺門司港算係人氣店，佢地主打門司港名物 —— 「燒咖哩」（焼きカレー）。

所謂嘅燒咖哩，其實就是喺白飯上面淋上濃郁嘅咖哩、邪惡嘅拉絲芝士同埋一隻半熟雞蛋，然後成兜放進烤箱裡面「烤」到金黃誘人。

講起呢個烤焗咖哩嘅起源都幾搞笑，據說喺 1950 年代，某間咖啡店嘅店員因為唔想嘥嘢，將食剩嘅咖哩放進烤爐整成奶汁烤菜風，結果意外地美味可口，後來就演變成今日門司港特有嘅「時髦」料理。依家各家店舖都調配出獨家口味，百家爭鳴。

食飽飯，我同老母喺門司港周圍散步。呢度真係一個充滿「大正浪漫」復古風情嘅港口小城市。

門司港最出名的就是這款燒咖哩

北九州市舊門司稅關

原來門司港喺明治至大正時期，憑藉優越嘅地理位置，靠煤炭貿易急速崛起，當年曾與橫濱港、神戶港並稱為 「日本三大港口」，係當時日本奔向近代化同國際貿易嘅重要海陸門戶。

因為外國貿易嘅利潤實在太龐大，日本國內外嘅重量級金融機構、海運巨頭同新興財閥，當年都爭相喺度設立據點。呢個亦都是點解依家「門司港懷舊區」留有大量歐式紅磚建築嘅真正原因，影相打卡真係一流。

北九州市舊大阪商船

北九州市大連友好記念館

藍翼橋

門司港懷舊觀光物產館

藍翼橋關閉的時候

終於可以通行啦

大阪商船後來和三井船舶合併，就是MOL

這裡也有寫「大阪商船三井船舶」

門司駅

駅改札口

行着行着，我哋嚟到咗 「九州鐵道紀念館」。佢就喺 JR 門司港站隔離，行過去幾分鐘就到。

九州鉄道記念館

門口就有蒸汽機車9600型式59634號

售票處

入場門票

一入到園區，首先映入眼簾嘅是一條長達 180 公尺、帶有頂棚嘅舊式月台，氣勢磅礴地停靠著 9 輛曾經活躍於九州嘅退役珍貴火車頭，連我呢個唔係鐵道迷嘅人見到都覺得熱血。

9600型側面

這台是C591

国鉄キハ07形気動車

にちりん

14系寝台客車

クハネ 581 8号

最正嘅是，呢度設有一個 「迷你鐵路公園」。入面鋪設咗真實嘅訊號燈同轉轍器軌道，遊客可以實際坐上去，親自駕駛縮小版嘅九州人氣列車。我看見班大朋友玩到鬼五馬六，場面非常搞笑。

本館

ミニ鉄道公園

剛有人出來

想體驗，先買票

開車囉

操作非常簡單

很快就完成了一圈

剛才我駕駛的型號

之後，我哋步行返停車場攞車，開車前往山頂嘅 「和布刈第二展望台」。

停車場精算機

依指示按，付錢

 

呢個展望台位於山上，居高臨下，可以將成個門司港、甚至是關門大橋嘅壯麗景色一覽無遺。另外，展望台呢度還有一幅巨型嘅 「源平壇之浦會戰壁畫」，以 1185 年源氏及平氏之間嘅壇之浦戰役為主題，用左足足 1400 片有田燒陶板製成。高 3 米、全長 44 米，陣歷史厚重感真係「非同小可。jpg」。

 

和布刈第二展望台

門司港

源平壇之浦會戰壁畫

壁畫

 

關門橋

關門海峽

關門海峽

這艘是甚麼船？

 

 

睇完海景，我哋驅車下山，去到山腳下一個好神奇嘅地方 —— 「關門隧道人行道」（関門トンネル人道）。

 

 

關門隧道人行道 門司側

關門隧道人行道電梯

簡單來說，這是一條可以靠雙腳步行的海底隧道！ 它位於關門海峽下方，直接連接了福岡縣北九州市門司區（九州）與山口縣下關市（本州）。

隧道全長 780 米，地下深度大約有 55 至 60 公尺。

最正嘅是，行人步行是全免嘅！不過如果是推單車或者開 50cc 以下嘅輕型電單車，每次就要收費 20 日圓。有趣嘅是，隧道入面完全不設售票處，只有一個寫住「料金箱」嘅錢箱設在電梯旁，全憑自律投幣。

在隧道內有這種紀念印章

原來我們正在行的人行隧道是在車道之下

 

行到隧道正中間，會見到地面畫住一條好粗嘅線，寫住「福岡縣」與「山口縣」嘅縣界標誌。呢個時候當然要玩嘢，一腳踩住九州、一腳踩住本州，影一張「跨越歷史性一步」嘅打卡相。

 

一直走⋯一直走⋯

就在隧道中間的位置，是兩個縣的交界

兩側嘅電梯口還備有紀念章，只要集齊兩邊嘅章，就可以去指定地點免費兌換一張「關門海峽橫斷證明書」，幾有成功感。

在隧道的另一端，可以集齊另一個紀念印章

關門隧道人行道 下關側

回望九州門司港

很多大炮對着九州

 

 

源 義経

平 知盛

關門隧道人行道 下關側

我發現九州有很多韓語指示板

 

玩到差唔多，我哋就開車返今晚入住嘅酒店 Check In，放低行李先休息一會兒。呢個時候，情商大考驗又嚟喇。我老母呢個人，好多日本嘢食都唔合胃口，我好溫柔咁問佢：「皇太后，今晚想食乜呀？」

佢又發揮阿媽嘅終極絕招：「沒所謂啦，你話事。」

我心諗：「Hi Auntie，又嚟呢招。」

上網一查，發現幾公里外有一間大眾化嘅烏冬店，一於帶佢去試吓。我哋開車去咗 「資さんうどん（資先生烏冬）」。 呢間嘢係以福岡縣北九州市為基地嘅連鎖烏冬店，喺九州好大眾化、平靚正，老母食完之後竟然難得地無投訴，安全過關！ 食飽飽之後，開車返酒店休息。

Noah泊起來真的很佔位

小小的房間，但也比昨晚的房間大

第一次去吃 資さんうどん

餐廳很多都是Bar位

一看點餐的機器，就估到是雲雀餐飲集團

我點的天婦羅烏冬

 

我入住嘅呢間酒店設有天然溫泉，我在房間「dummy」休息了一會兒之後，就換上浴衣走去泡溫泉。暖笠笠嘅溫泉水浸落去，今日揸車嘅疲勞瞬間一掃而空。

浸完溫泉返房，唔知係咪血液循環太好，個人突然感到有少少肚餓，打算去便利店買點宵夜、炸雞食吓。 我睇一睇個地圖，便利店距離酒店其實不算很遠，大約只有 200 米左右，行過去都係兩三分鐘。

但我望一望停喺度嘅 Noah，再諗一諗：「橫豎都免費升級咗部 Noah，唔揸多幾步真係對唔住自己。」

於是，我做出了一個極度奢華嘅決定：揸住架大 Noah，專程開車去 200 米外嘅便利店買宵夜！ 呢種行為，簡直將香港人嘅「懶」與高登仔嘅「無聊」發揮到極致！

晚上開車到Lawson買宵夜

買了很多回酒店吃

 

下一頁 / Next Page